انت عمري

كنت بأسمع أغنية "انت عمري" بتاعة أم كلثوم، و الحقيقة الأغنية دي من الأغاني المفضلة بالنسبة ليَّ و بدندنها طول الوقت تقريبًا، لكن مجرد دندنة بدون تركيز في المعنى كده.

النهاردة سمعتها بتركيز عالي اوي و ركزت فالكلمات كده ..
لقيتها فعلًا جبارة بشكل فظيع و رقي التعبيرات فيها مدهش !
و تخيلت كده القديس موسى الأسود و القديس أغسطينوس و القديسة مريم المصرية و هما بيقولوا الكلام ده لربنا:

[اللي شفته قبل ما تشوفك عينيَّ عمر ضايع يحسبوه ازاي عليَّ !! 
انت عمري ...
اللي ابتدى بنورك صباحه]

"أيام الزنا و السرقة و الضياع اللي شفتهم قبل ما أعرفك يا رب عمر ضايع فعلاً، و من ساعة ما روحك القدوس نوَّر لي حياتي، صباح عمري الحقيقي بدأ"!!

تخيل كده العمالقة دول و هما بيرددوا الكلام ده .. 
تخيل كده ان العمالقة دول اغتصبوا السماء اغتصاب بكوبليه أغنية !!

ساعتها افتكرت القصة الجميلة دي و اد ايه بتعبر عن شخص عارف و مختبر قلب يسوع المسيح..

بنعمة الله،

چورچ نسيم سامي